Ágúst er kominn í gang og framundan er einn fjölbreyttasti tími veiðisumarsins!
Laxveiðin hefur verið hörku góð á köflum, Blanda verið að gefa vel og stórlaxatíminn er framundan í Aðaldalnum og rigningar síðustu daga ættu að hjálpa vel til á þeim svæðum sem hafa verið vatnslítil.
Sjóbirtingurinn er farinn að mæta, besti tíminn í sjóbleikjuna er kominn í gang og síðsumarsveiðin eftir urriða og bleikju tekur við.
Við eigum enn laus veiðileyfi á fjölmörgum svæðum í ágúst, allt frá stökum stöngum og dagsleyfum upp í heilu hollin með gistingu.
Laxveiði
Blanda – svæði 1, 2 og 3
Það hefur verið hörku laxveiði í Blöndu undanfarið og við eigum stakar stangir lausar frá 15. ágúst.
Eins og staðan er núna stefnir ekki í yfirfall á næstunni, sem eru góðar fréttir fyrir veiðimenn á Blöndu.
Svæði 1: 45.000–88.000 kr. stöngin
Svæði 2: 34.900 kr. stöngin
Svæði 3: 49.900 kr. stöngin
Stakar stangir án húss.
Blanda – svæði 4
Það hefur verið vatnslítið á svæði 4 í sumar en loksins er komin rigning. Með auknu vatni ætti fiskurinn að fara að strauja upp ána og spennandi tími framundan.
Svæði 4 er 3 stanga svæði og hollin eru seld með húsi.
Þrastalundur – Sog
Skemmtileg lax- og bleikjuveiði í stuttri akstursfjarlægð frá Reykjavík.
Tvær stangir eru seldar saman og því tilvalið fyrir tvo veiðifélaga sem vilja skella sér í dagsferð.
Verð: 19.900 kr. stöngin.
Árbót – Laxá í Aðaldal
Stórlaxatíminn í Aðaldalnum er að fara í gang!
Árbót er 3 stanga svæði í Laxá í Aðaldal og fylgir hús með hollinu. Spennandi kostur fyrir þá sem vilja freista þess að setja í einn af stóru löxunum sem Aðaldalurinn er þekktur fyrir.
Svartá
Það eru aðeins örfá holl eftir í september í Svartá.
Svartá er 4 stanga á og leyfin eru seld í tveggja daga hollum með húsi.
Silungsveiði
Blönduós – Blanda svæði 0
Flott sjóbirtingsveiði þar sem Blanda rennur til sjávar við Blönduós.
Tvær stangir eru seldar saman.
Verð: 15.000 kr. stöngin.
Blöndukvíslar
Hálendisveiði eftir urriða og bleikju í fallegu umhverfi.
Verð: 8.500 kr. stöngin.
Geirlandsá
Birtingurinn er mættur!
Stakar stangir eru í boði til 15. ágúst og síðan eigum við örfá laus holl undir lok mánaðarins.
Stakar stangir: 24.900 kr. stöngin.
Heilu hollin eru fyrir 4 stangir með húsi.
Goðdalsá og Bjarnarfjarðará
Besti tíminn í sjóbleikjuveiðinni er kominn í gang.
Frábær kostur fyrir þá sem vilja komast í skemmtilega sjóbleikjuveiði síðsumars.
Verð: 15.000 kr. stöngin.
Hofsá & Runukvísl
Sjóbleikjan er mætt og spennandi vikur framundan.
Verð: 20.000 kr. stöngin.
Kolka
Það hefur verið mokveiði í Kolku undanfarið!
Við eigum laus holl bæði í ágúst og september. Kolka er 4 stanga svæði og hollunum fylgir nýuppfært veiðihús.
Norðlingafljót
Hálendisveiði í einstaklega fallegu og afskekktu umhverfi.
Verð: 24.900 kr. stöngin.
Vatnamót
Við eigum enn laus holl í Vatnamótum í ágúst.
Vatnamót eru eitt þekktasta sjóbirtingssvæði landsins og óhætt að segja að svæðið sé í hópi bestu sjóbirtingssvæða í heimi.
Hollin eru fyrir 5 stangir með húsi.
Arnarvatnsheiði
Við eigum laus hús á Arnarvatnsheiði í ágúst.
Heiðin býður upp á ótrúlega fjölbreytta urriða- og bleikjuveiði og frábæran möguleika fyrir þá sem vilja eyða nokkrum dögum við veiðar á hálendinu.
Þingvallavatn
Stóru urriðarnir í Þingvallavatni fara að láta meira á sér kræla aftur þegar líður á ágúst.
Við eigum enn laus leyfi á nokkrum af okkar svæðum við vatnið og síðsumarið getur boðið upp á hörku veiði.
Það er því af nógu að taka í ágúst, hvort sem menn vilja eltast við lax, sjóbirting, sjóbleikju eða urriða.