Bjarnarfjarðará á Ströndum

Bjarnarfjarðará er sjóbleikjuá í Bjarnarfirði á Ströndum um 35 km akstur frá Hólmavík. Veiðisvæðið er um 7 km með 25 merktum veiðistöðum. Vatnasvæði árinnar er mjög fallegt og býður upp á fjölbreytt veiðisvæði. Bjarnarfjarðará er eftirsótt sjóbleikjuá og þar veiðast stundum laxar.

Veitt er á fjórar stangir í Bjarnarfjarðará en 2 stangir í efri hlutanum sem kallast Goðdalsá.

Veiðitímabil er frá 20. júní til 20. september og veitt daglega kl: 07:00 – 13:00 og 16:00 – 22:00 (20. jún. – 20. ág.) 07:00 – 13:00 og 15:00 – 21:00 (21. ág. – 20. sept.).

Leyfilegt er að veiða á flugu, maðk og spún. Veiðimenn eru beðnir um að gæta hófsemi við veiðar og ekki er ætlast til að drepnar séu fleiri en 3 bleikjur á stöng á dag.

Gott aðgengi er að flestum veiðistöðum.

Ekki er veiðihús við ána en Hótel Laugarhóll,  Svanshóll apartments og  Hvammur Cottages bjóða upp á góða gistingu við árbakkann.  Í Bjarnarfirði er sundlaug, heitur pottur, náttúrulaugar, veitingasala og einnig gott tjaldsvæði.

Veiðisvæðið nær frá ósi upp að ármótum Goðdalsár og Sunndalsár.  Efsti veiðistaður svæðisins er Berghylur og er öll veiði bönnuð ofan hans í Goðdalsá