Blanda Sv 4

Blanda er ein af þessum stóru þegar kemur að laxveiðiám Íslandi og er jafnframt í hópi þeirra fremstu og bestu.  Blanda er þekkt fyrir miklar aflahrotur en veiðin hefur sveiflast mikið á síðastliðnum áratugum og hefur veiðin farið upp í hæstu hæðir sum ár. Laxinn í Blöndu er snemma genginn stórlaxa stofn sem byrjar að ganga í maí, og svo verða göngurnar kröftugri þegar kemur fram í júlí.

Þegar líða tekur á sumarið er það nánast árviss atburður að Blöndulón fyllist og jökulvatn flæðir yfir stífluna, þá er talað um að Blanda sé komin á yfirfall. Það koma þó ár sem að þetta gerist ekki og þá er hægt að veiða ána út tímabilið. Einnig getur það gerst að vélar séu sérstaklega keyrðar í Blönduvirkjun og þá getur áin gruggast.  Fish Partner getur ekki tekið ábyrgð á ástandi árinar þegar menn eru við veiðar.

Blanda Sv 1
Blanda Sv 2
Blanda Sv 3
Blanda Sv 4

Svæði 4

Blanda, svæði 4, eða Refsá eins og hún er kölluð, er sannkölluð perla. Áin er alls ekki lík Blöndu sjálfri þar sem um er að ræða litla, fallega og tæra bergvatnsá sem liðast niður um gljúfrin.  Fullkomin einhendu á þar sem þú ert alein/n í heiminum. Neðsti hlutinn er nokkuð aðgengilegur en efra svæðið þarf að ganga. Því ofar sem dregur því sjaldanar er veitt. Æskilegt er að veiðimenn séu í ágætis formi ætli þeir að leggja efri hlutan á sig. Refsá varð til þegar að Blanda var virkjuð og ánni veitt um lón upp á heiðinni. Refsá sameinsast síðan Blöndu rétt ofan við útfallið.  Refsáin rennur semsagt í gamla farvegi Blöndu.

Veiðihús

Veiðimenn geta látið fara vel um sig í sjálfsmennsku í gamla bænum Eldjárnsstaðir. Þar er gisting fyrir alls sex manns. Eldhús, setustofa og grill.

Kjósi menn frekar að fera í fullri þjónustu er það líka kostur. Þá gista menn í Veiðihúsinu Hólahvarfi og fara full nestaðir á veiðislóð á hverjum morgni.

Veiðisvæði

Frá og með Litla Klif (400) að og með Rugludalshyl (490). Vinsamlegast athugið að bannað er að veiða fyrir neðan veiðistað Nr.400 og niður að aðfalli.