Blanda svæði 3

Blanda er ein af þessum stóru þegar kemur að laxveiðiám Íslandi og er jafnframt í hópi þeirra fremstu og bestu. Blanda er þekkt fyrir miklar aflahrotur en veiðin hefur sveiflast mikið á síðastliðnum áratugum og hefur veiðin farið upp í hæstu hæðir sum ár. Laxinn í Blöndu er snemmgenginn stórlaxastofn sem byrjar að ganga í maí, og svo verða göngurnar kröftugri þegar kemur fram í júlí.

Þegar líða tekur á sumarið er það nánast árviss atburður að Blöndulón fyllist og jökulvatn flæðir yfir stífluna, þá er talað um að Blanda sé komin á yfirfall. Það koma þó ár sem að þetta gerist ekki og þá er hægt að veiða ána út tímabilið. Einnig getur það gerst að vélar séu sérstaklega keyrðar í Blönduvirkjun og þá getur áin gruggast.  Fish Partner getur ekki tekið ábyrgð á ástandi árinar þegar menn eru við veiðar..

Blanda Sv 1
Blanda Sv 2
Blanda Sv 3
Blanda Sv 4

Svæði 3

Svæði 3 getur oft verið gjöfult og stórskemmtilegt. Mesta laxveiðivonin er þegar líða tekur á júlí. Svæðið er rúmir 11km að lengd í heildina. Áin rennur í stórum og miklum gljúfrum á efra svæðinu, áður en það liðast um á eyrum þegar neðar dregur.

Nýtt!

Við munum bjóða uppá flotferðir með leiðsögumanni á efra svæðinu þar sem flotið verður niður gljúfrin og veitt á stöðum sem sjaldnar eru veiddir. 

Blanda er varasöm, vatnsmikil og straumhörð. Við hvetjum veiðimenn til að fara með gát og nota vaðstaf og björgunarvesti við veiðar.

Veiðhús

Hólahvarf er glæsilegt veiðihús með fullri þjónustu, topp aðbúnaði og öllum nútíma þægindum.

Í húsinu eru tólf tveggja manna herbergi með sér baði. Nýr stór pottur er utan við húsið og gufubað inni í húsinu.

Setustofan er rúmgóð með útsýni yfir ána og dalinn.