Árbót – Laxá í Aðaldal

Um er að ræða fornfrægt stórlaxasvæði, þó ekki veiðist þar margir laxar árlega í dag. Um er að ræða austurbakka Laxá í Aðaldal, frá Bæjarklöpp að og með Höskuldarvík. Árbót er einna þekktust í dag fyrir góða urriðaveiði en hvert sumar koma þar á land nokkrir laxar sem geta verið í yfirstærð. Þetta er frábær möguleiki fyrir fjölskyldur eða lítinn vinahóp. Tvær til fjórar stangir eru leyfðar á svæðinu eftir tímabili og eru þær seldar allar saman í tveggja daga hollum

1. Apríl -20. Júní – 4 stangir leyfðar

20. Júní – 20. Sept – 2 stangir leyfðar

Veiðisvæði

Er rúmir 3 km að lengd og nær að neðanverðu frá svokallaðri Bæjarklöpp og að girðingarenda ofan við Höskuldarvik, aðeins Austurbakkinn.
Mögulegt er að bæta við stöngum á hinnum bakkanum á veiðisvæðunum Tjörn og Hjarðarhaga.

Veiðihús

Veiðihúsið Vörðuholt er rúmir 100 fm og stendur á bökkum Laxá. Gistiaðstaða er fyrir sex manns í þremur tveggja manna herbergjum, rúmgóð stofa með arni og vel búið eldhús. Stór verönd með heitum potti er umhverfis húsið með útihúsgögnum og gasgrilli.

Veiðimenn mega koma í hús 1 klst. fyrir veiðitíma en brottfarardag skulu þeir rýma hús 1 klst. eftir að veiðitíma lýkur.