Arnarvatnsheiðin er nú loks komin á fulla ferð eftir erfiðan veðrasaman júní mánuð. Menn hafa verið að gera fannta góða veiði á heiðinni núna síðustu daga og komið niður klyfjaðir af silung.
Þau vötn sem gefið hafa best eru Úlfsvatn, Hávaðavötn, Arnarvatn litla og Jónsvatn. Líklega vegna þess að þau hafa langmest verið stunduð. Það verður spennandi að fylgjast með ganginum á heiðinni nú þegar sumarið er loks gengið í garð.
Fluguveiðisvæðið Refsveina og Stóralón hefur tekið vel á móti fluguveiði mönnum og konum og hafa menn verið kampakátir með aflan. Töluvert af vænum fiski eða allt að sexíu sentimetra fiskar hafa veiðst. Best hefur veiðst á púpur og þurrflugur hafa einnig verið að gefa þegar skilyrði hafa verið til.
Það er nokkuð víst að fluguveiðisvæðið er komið til að vera því að það hefur verið mjög vinsælt meðal þeirra sem stunda þannig veiði.
