Þingvallavatn – Kaldárhöfði

Kaldárhöfði er syðsta veiðisvæðið í Þingvallavatni og nyrsta svæðið í Úlfljótsvatni. Svæðið nær frá Sprænutanga í Þingvallavatni í norðri og að landamörkum við Efri-Brú við Úlfljótsvatn í suðri. Um er að ræða mjög fjölbreytt svæði sem bæði býður upp á urriða- og bleikjuveiði.

Svæðið á sér langa veiðisögu og var sennilega besta urriðasvæðið í Þingvallavatni fyrir tíma virkjana í Sogi. Með vaxandi veiði á urriða í vatninu verður spennandi að fylgjast með veiðinni á Kaldárhöfða á næstunni.

Hluti svæðisins er í Úlfljótsvatni og er það svæði bæði þekkt fyrir stóra urriða og nóg af bleikju. Urriðaveiðin er einkum góð nyrst í vatninu og út af hólmanum en bleikjuveiðin er góð á öllu svæðinu og eru Skútuvík og eyjan líklegast þekktustu bleikjusvæðin.

Veitt er á sex stangir frá 1. maí – 10. júní en tíu stangir frá 11. júní – 31. ágúst. Seldar eru stakar stangir frá morgni til kvölds. Veiðitími er að hámarki 12 klukkustundir á dag á tímabilinu frá kl. 8 til 23. Aðeins er heimilt að veiða á flugu og spún. Öllum urriða er sleppt.

Önnur veiðisvæði við Þingvallavatn og Úlfljótsvatn:

Villingavatnsárós

Villingavatn SvB

Villingavatn(tjörnin)

Kárastaðir

Veiðifélagar Fish Partner safna 5% Veiðikrónum við kaup á leyfi á Kaldárhöfða í vefsölu

Veiðifélagar Fish Partner fá 5% afslátt af veiðileyfum á Kaldárhöfða í vefsölu