Stofnun Íslensku fluguveiðiakademíunnar - Fish Partner

Stofnun Íslensku fluguveiðiakademíunnar

Stofnun Íslensku fluguveiðiakademíunnar

Fish Partner hefur stofnað Íslensku fluguveiðiakademíuna. Akademían er fræðslumiðstöð sem hefur það að markmiði að miðla þekkingu og reynslu til áhugamanna um veiði. Markmiðin eru einnig að auka nýliðun í fluguveiði með áherslu á börn og ungmenni og hópa sem eru í minnihluta í sportinu. Stofnun Akademíunnar er svar eigenda Fish Partner við lítilli nýliðun á undanförnum árum og takmörkuðu framboði af veiðitengdri fræðslu hér á landi.

Kjarnastarfsemi Akademíunnar er námskeiðahald og fyrirlestrar. Nú þegar liggur fyrir þétt dagskrá af námskeiðum og fyrirlestrum í vetur og eru þónokkur til viðbótar í pípunum. Akademían er í samstarfi við Stangaveiðifélag Hafnarfjarðar.

Af námskeiðum á dagskránni má nefna:

  • Flugukastnámskeið þar sem allir kennarar eru með FFI réttindi
  • Fluguhnýtingarnámskeið fyrir byrjendur
  • Ljósmyndanámskeið með Matt Harris
  • Námskeið í stangarsmíðum
  • Þurrfluguhnýtingar
  • Að setja í þann stóra með Nils Folmer
  • Opið hús til æfinga í fluguköstum

Allar nánari upplýsingar um námskeiðin og Akademíuna er að finna á vef Akademíunnar á: https://fishpartner.is/akademia/

Allar fyrirspurnir um starfsemi Akademíunnar má senda á info@fishpartner.com. Þeir sem eru áhugasamir um að halda námskeið og fyrirlestra eru einnig hvattir til að senda okkur línu.

Kær kveðja frá Fish Partner,
stofnanda Íslensku fluguveiðiakademíunnar

Vinsæl veiðisvæði

Sennilega stórbrotnasta svæði Þingvallavatns – Kárastaðir eru við norðanvert Þingvallavatn skammt frá ós Öxará
Villingavatnsárós er eitt magnaðasta urriðasvæði Þingvallavatns. Eins og nafnið gefur til kynna á Villingavatnsá ós á svæðinu og urriðinn leitar í ósinn til að melta fæðu
Sennilega stórbrotnasta svæði Þingvallavatns – Kárastaðir eru við norðanvert Þingvallavatn skammt frá ós Öxará
Villingavatnsárós er eitt magnaðasta urriðasvæði Þingvallavatns. Eins og nafnið gefur til kynna á Villingavatnsá ós á svæðinu og urriðinn leitar í ósinn til að melta fæðu
Villingavatn, eða Tjörnin, lætur ekki mikið yfir sér en geymir þó mikið af urriða sem margir hverjir eru mjög stórir.