Um er að ræða skemmtilegar bleikju ár í Skagafirði sem hafa verið svolítið af radar. Þetta eru árnar Hjaltadalsá og Kolbeinsdalsá sem sameinast og heita þá Kolka.
Árnar eru á sögulegu svæði, steinsnar frá Hólum í Hjaltadal. Árnar halda vatni mjög vel og eru með fjölbreyttum veiðistöðum. Nokkur laxavon er einnig í ánum ásamt sjóbirtingi.
Kvóti verður nú minnkaður til muna og verður hámark leyfilegt að hirða 3 bleikjur á stöng á dag, en veiðisvæðið ofan við stíflu í Kolbeinsdalsá er eingöngu veitt og sleppt. Einnig er sú breyting að eingöngu er heimilt að veiða á flugu á öllu veiðisvæðinu.
Veiðihús er á svæðinu sem er aðeins komið til ára sinna en mun fá góða uppliftingu fyrir veiðitímabilið. Gistipláss er fyrir alls átta manns í húsinu.
Veiðitímabilið er tvískipt, Það er annars vegar vorveiði sem er heimil frá 1 apríl í ofanverðri Kolbeinsdalsá og svo á svæðinu öllu frá og með 20. júní, til og með 20. september.
Við viljum bjóða þeim sem haft hafa föst holl og eru til í að veiða svæðið á þessum breyttu forsendum forgang, en svo fara hollin í í vefsölunna hjá okkur á næstu misserum.
Við bjóðum veiðisvæðið velkomið í flóru Fish Partner