Sporðöldulón

Fjölskylduvæn veiði á hálendinu

Sporðöldulón myndaðist í nóvember 2013 þegar stífla var reist neðst í farvegi Köldukvíslar, ofan við ármót Tungnaár. Vatn Köldukvíslar og affallsvatn Hrauneyjastöðvar myndar lónið ásamt nokkrum lækjum. Stærð Sporðöldulóns er áætluð um sjö ferkílómetrar. Það er mikill fiskur í lóninu, bæði urriði og bleikja, sem kemur upphaflega úr Tungnaá og Köldukvísl. Lónið er nokkuð tært og hentar vel til fluguveiða. Veiði í lóninu hefur verið stunduð síðastliðin ár og hefur gengið vel. Vænn fiskur hefur veiðst eða allt að sex pund ásamt mikið af smábleikju Leyfilegt agn í vatninu er fluga, maðkur og spúnn. Daglegur veiðitími er frjáls en þó ekki lengur en 12 klukkustundir á dag. Stranglega bannað er að veiða í vatnaskilum Köldukvíslar og einnig af stíflunni sjáfri.

Veiðifélagar Fish Partner fá 3% endurgreiðslu í formi veiðikróna við kaup á leyfi í Sporðöldulóni í vefsölu