Ljótipollur

Ljótipollur er sprengigígur á Landmannaafrétti norðaustur frá Frostastaðavatni. Gígurinn er á eldsprungu þeirri sem mótaði Veiðivötn og hefur orðið til á sögulegum tíma eins og  sprungan öll.

Allmikil hæð hefur hlaðist upp kringum gígskálina sem að innan er skreytt rauðum, grænum og dökkum litum, en kalt og grænleitt vatn er í botni hennar.

Illfær brattur jeppaslóði liggur að Ljótapolli og upp á gígbarminn.

Þrátt fyrir nafnið er gígurinn geysilega fagur og umhverfið er engu öðru líkt.

Vatnið er í 570 m hæð yfir sjávarmáli og er flatarmál þess um 0,45 km². Mesta dýpi er 14 m og meðaldýpi talið vera um 8 m.

Ljótipollur hefur lengi verið talið eitt besta veiðivatn Framvatna.

Í vatninu er einungis urriði, mest af honum er um 1 pund en þeir stærstu ná 5 pundum. Gígbarmarnir eru brattir, um 70-120 m háir og best að fara varlega niður að vatni.

Það er vel þess virði að skreppa í Ljótapoll og oft er veiðin mjög góð.

Veiðimenn athugið! Munið að skila veiðiskýrslum. Það er bæði hægt að skila skýrslu í póstkassa við afleggjara að Ljótapolli, koma við í landmannahelli eða rafrænt hér

Veiðifélagar Fish Partner veiða frítt í Ljótapolli