Árbót – Laxá í Aðaldal

Um er að ræða fornfrægt stórlaxasvæði, þó ekki veiðist þar margir laxar árlega í dag. Um er að ræða austurbakka Laxár í Aðaldal, frá Bæjarklöpp að og með Höskuldarvík. Árbót er einna þekktust í dag fyrir góða urriðaveiði en hvert sumar koma þar á land nokkrir laxar sem geta verið í yfirstærð. Þetta er frábær möguleiki fyrir fjölskyldur eða lítinn vinahóp. Þrjár til fjórar stangir eru leyfðar á svæðinu eftir tímabili og eru þær allar seldar saman í tveggja daga hollum

1. apríl – 20. júní – 4 stangir leyfðar

20. júní – 20. sept – 3 stangir leyfðar

Veiðisvæði

Veiðisvæðið er rúmir 3 km að lengd og nær að neðanverðu frá svokallaðri Bæjarklöpp og að girðingarenda ofan við Höskuldarvík, aðeins má veiða Austurbakkann.
Mögulegt er að bæta við stöngum á á veiðisvæðunum Tjörn og Hjarðarhaga á hinum bakkanum.

Veiðihús

Veiðihúsið Vörðuholt er rúmir 100 fm og stendur á bökkum Laxár. Gistiaðstaða er fyrir sex manns í þremur tveggja manna herbergjum, rúmgóð stofa með arni og vel búið eldhús. Stór verönd með heitum potti er umhverfis húsið með útihúsgögnum og gasgrilli.

Veiðimenn mega koma í hús einni klst. fyrir veiðitíma en á brottfarardegi skulu þeir rýma hús einni klst. eftir að veiðitíma lýkur.