Ísinn á Þingvallavatni er loksins farinn að láta undan og aðstæður til veiða að skapast á ný. Leiðsögumaðurinn Tryggvi Guðmundsson nýtti tækifærið og heimsótti Kárastaði í gær þar sem veiðin byrjaði af krafti.
Ekki leið á löngu þar til fyrsti fiskurinn var kominn á land, fallegur 72 cm urriði sem lofar góðu fyrir komandi daga.
Í dag heyrðum við í veiðimönnum sem voru búnir að landa 4 fiskum á 3 tímum á svæðinu.
Veiðin er greinilega að taka við sér og nú er góður tími til að tryggja sér leyfi, enn er úrval lausra daga á næstunni.
