Þingvallavatn – Villingavatnsárós

Villingavatnsárós er eitt magnaðasta urriðasvæði Þingvallavatns. Eins og nafnið gefur til kynna á Villingavatnsá ós á svæðinu og urriðinn leitar í ósinn til að melta fæðu. Svæðið getur gefið ótrúlega veiði og mikið er af stórum fiski. Einn af kostum svæðisins er að fiskurinn heldur þar til allt sumarið en hverfur ekki á dýpið, líkt og algengt er á öðrum svæðum við Þingvallavatn. Þetta gerir það að verkum að hægt er að veiða þessa stórkostlegu fiska á litlar púpur og þurrflugur þegar fram kemur í júní.

Veitt er á tvær stangir á svæðinu og aðeins er veitt á flugu. Öllum urriða skal sleppt.

Besti veiðitíminn er yfirleit á vorin og snemmsumars og svo aftur á haustin. Einnig getur veiðin verið ævintýraleg á sumrin eftir miklar rigningar þegar Villingavatnsá bólgnar upp.

Við mælum með að veiðimenn byrji að veiða frá landi áður en vaðið er út þar sem urriðinn getur oft legið mjög nálægt landi.

Athugið: Villingavatnsárós Sv. B er nú hluti af Villingavatnsárós Sv. A. Veiðisvæðið er því stærra, en áfram eru aðeins 2 stangir leyfðar.

Reglur við Villingavatnsárós

Leggið bílum í þartilgert stæði. Akstur utanvega er stranglega bannaður. Stranglega bannað er að aka sandinn niður að ós. Leggið í stæðið og labbið. Akið varlega og hægt um, fé og þá sérstaklega lömb geta verið á veginum. Öll lausaganga hunda er stranglega bönnuð.
Vinsamlegast notið kamarinn.
Vinsamlegast skráið allan fisk í veiðibók við bílastæðið.
Björgunarvesti eru í gulum kassa við bílastæðið.
Ef hliðið er lokað þarf að hringja í eftirfarandi númer til að opna: 571-4545, 867-7545 eða 898-3946

Önnur veiðisvæði við Þingvallavatn og Úlfljótsvatn:

Kárastaðir

Villingavatn (tjörnin)

Kaldárhöfði