Þórisstaðavatn í Svínadal

Þórisstaðavatn í Svínadal

Þórisstaðavatn er við Þórisstaði í Svínadal. Áður fyrr var vatnið kallað Glammastaðavatn en er það nafn sjaldan notað í dag. Þórisstaðavatn liggur milli Eyrarvatns og Geitabergsvatns og er hluti af vatnasvæði Laxár í Leirársveit. Lax og sjóbirtingur gengur í Þórisstaðavatn en uppistaðan af veiðinni er staðbundin bleikja og urriði.  Mest eru þetta fiskar í kringum pundið en stærri fiskar í bland. Þórisstaðavatn er 1,37 ferkílómetrar að stærð og liggur í 71 m hæð yfir sjávarmáli.  Mesta dýpt vatnsins er um 24 m.

Leiðarlýsing

Frá Reykjavík er ekið um Hvalfjarðargöng og haldið áfram á þjóðvegi 1, ekið yfir Laxá í Leirársveit, því næst yfir Leirá og hægri beygja tekin upp í Leirársveit (504 síðan 502). Frá gatnamótum er um 15 km akstur að vatninu. Einnig er gaman að aka Hvalfjörðinn (47). Sé sú leið valin er beygt til hægri af vegi 47 eftir að ekið er framhjá Ferstikluskála upp Dragaveg (520).

Veiðisvæðið

Leyfilegt er að veiða í öllu vatninu.

Veiðitími

Veiðitímabilið í vatninu hefst 10. apríl og nær til 15. september ár hvert og er nokkuð jöfn veiði út tímabilið.

Veiðitíminn 10/4-20/8 er kl. 7-22

Veiðitíminn 21/8-31/8 er kl. 7-21

Veiðitíminn 1/9-15/9 er kl. 7-20

Reglur.

• Bannað er að veiða í ánum sem renna á milli vatnanna í Svínadal.
• Hundar: Já.
• Notkun báta: Já.
• Netaveiði: Nei.
• Agn: Fluga, maðkur og spúnn.
• Tjalda: Ekki er leyfilegt að tjalda við vatnið en skipulagt tjaldsvæði er á Þórisstöðum við Þórisstaðavatn.
• Veiðifélagar Fish Partner borga ekki fyrir veiðileyfi í Þórisstaðavatni.
• Börn undir 14 ára veiða frítt í fylgd með Veiðifélögum Fish Partner.
• Veiðileyfi gildir í öll vötnin í Svínadal, þ.e. Þórisstaðavatn, Geitabergsvatn og Eyrarvatn.
• Má veiða 2 laxa á stöng á dag í vötnunum og hirða 1 (drepa 1 og sleppa 1).
• Sleppa öllum laxi eftir 1. september

Veiðifélagar Fish Partner veiða frítt í Svínadalsvötnum