Svartá silungasvæði

Veiðisvæðið er gríðarlega skemmtilegt og má þar finna bæði bleikju og urriða. Þarna er staðbundinn og göngusilungur í bland. Veiðisvæðið nær frá Hvammsá sem fellur í Svartá skammt fyrir ofan efsta veiðistað laxasvæðisins sem nefnist Teigakot. Frá svæðamörkum heldur áin upp Svartárdalinn tæpa sex kílómetra þar sem áin kvíslast. Svartá heldur svo áfram langt inn á Eyvindarstaðaheiði og gengur fiskur þar langt inn á heiði. Vesturkvíslin nefnist Fossá og rennur um Fossárdal. Þar er áin heldur hægari og vatnsminni en gríðarlega skemmtileg til andstreymisveiða. Eingöngu er leyfð fluguveiði á svæðinu og heimilt er að hirða einn (1) silung á stöng á dag.