Blönduvatn

Blönduvatn er staðsett austan Blöndulóns á Eyvindarstaðaheiði. Vatnið er rúmur ferkílómetri að stærð og er talið gott veiðivatn. Mest er af bleikju í vatninu og er hún væn eða allt að fimm pund. Umhverfið er ekta íslenskt heiðarland. Leyfilegt er að veiða í vatninu öllu en menn skulu gæta hófs og aðeins hirða í soðið fyrir sig. Leyfilegt agn er fluga, maðkur og spónn.

Leiðarlýsing

Vegalengd frá Reykjavík er um 244km og 75km frá Blönduósi.
Ekið er inn Blöndudal og þaðan upp Kjalveg. Þegar komið er að Blöndulóni er beygt til vinstri inn Mælifellsdalsveg, þaðan ekið áfram og fyrir stífluna og þarnæst beygt til hægri inn Vesturheiðarveg og Vatnið blasir við eftir um 6km. Vatnið liggur við veginn. Mælt er með því að fólk sé á fjórhjóladrifsbílum en þó þurfa þeir ekki að vera breyttir.

Veiðitími

Heimilt er að veiða frá því að vegur opnar og til og með 30. september. Veiði er heimil allan sólarhringinn.

Reglur

Hundar leyfðir: Já,.
Notkun báta: Kajak og bellý bátar leyfðir en ekki stærri bátar.
Netaveiði: Nei
Tjalda: Já, Einnig er hægt að fá gistingu í fjallaskálanum Galtará

Veiðifélagar Fish Partner veiða frítt í vatninu.