Blanda – Vorveiði

Nú verður aftur boðið upp á vorveiði í Blöndu og gefst veiðimönnum einstakt tækifæri til að upplifa fjölbreytta og spennandi veiði í þessari stórbrotnu á.

Veiðitímabilið er frá 1. maí til 4. júní og nær veiðisvæðið yfir allt svæði 2 og 3 að undanskildum Svarthyl sem er friðaður á vorin. Á þessum tíma má veiða á 6 stangir, sem eru seldar stakar, einn dag í senn, frá morgni til kvölds.

Á svæðinu er hægt að veiða bleikju, urriða og sjóbirting, sem eru bæði kraftmiklir og skemmtilegir viðureignar á þessum árstíma. Vorveiðin í Blöndu er frábært tækifæri fyrir veiðimenn til að reyna við þessa fiska í fjölbreyttum aðstæðum, allt frá straumhörðum köflum til rólegri veiðistaða.