Álftavatn

Álftavatn er á Rangárvallaafrétti milli Torfajökuls og Tindafjallajökuls. Það er í um 530 metra hæð yfir sjávarmáli og er um 1.12 km² að flatarmáli. Vatnið liggur við “Laugaveginn”, gönguleiðina á milli Landmannalauga og Þórsmerkur. Ferðafélag Íslands er með aðstöðu við vatnið og bíður uppá svefnpokapláss og tjaldstæði. Finna má frekari upplýsingar inn á vef ferðafélgsins: https://www.fi.is/is/skalar/skalar-ferdafelags-islands/alftavatn

Í Álftavatni er mikið af smárri bleikju, sem var á sínum tíma sleppt í vatnið. Urriða var einnig sleppt í vatnið á sínum tíma til að grisja bleikjuna og hann stækkaði ört, enda mikið æti fyrir hann í vatninu.  Náttúrufegurðin er gríðarleg við vatnið og skemmtilegt er að leika sér að bleikjunni, og egna fyrir stórum urriða sem gjarnan gefur sig seint á kvöldin. Vatnið er kjörið fyrir unga veiðimenn sem eru að stíga sín fyrstu skref í veiði.

Leiðarlýsing
Fjarlægð frá Reykjavík er um 160 km. Ekin er Fjallabaksleið Syðri.

Veiðitími
Frá því að Fjallabaksleið syðri opnar – 30. September. Veiða má í vatninu allan sólarhringinn.

Fylgjast má með færð á vef vegagerðarinnar: https://www.vegagerdin.is/ferdaupplysingar/faerd-og-vedur/sudurland-faerd-kort/

Reglur
Hundar: Já
Notkun báta: Já
Netaveiði: Nei
Kvóti: Enginn kvóti er og skulu veiðimenn hirða með sér allan fisk.

Upplýsingar
Fjarlægð frá Reykjavík: 160km
Veiðitímabil: Frá því að vegur opnar – 1. september
Meðalstærð: ½- 1 pund
Leyfilegt agn: Fluga, maðkur og spúnn
Bestu flugur: Ýmsar straumflugur og púpur
Húsnæði: Skáli Ferðafélags íslands við Áftavatn.
Tjalda: Tjaldstæði er á svæðinu á vegum Ferðafélags Íslands
Veitingar: Veitingaskáli er við Álftavatn
Aðgengi: Fært fjórhjóladrifnum bílum.