Slóvenía

Hvar

Slóvenía er staðsett austarlega í Evrópu með landamæri að Ítalíu, Austurríki, Ungverjalandi og Króatíu

Veiðin

Fluguveiði í Slóveníu er gríðarlega vanmetin. Veiðin er ótrúlega fjölbreytt og hægt að velja úr fjölmörgum tegunda veiðisvæða og fisktegunda. Á meðal tegunda sem veiðast er urriði, regnbogaslingur, harri (grayling), Danube lax(European Taimen) og marble trout.

Veiðisvæðið

Svæðin eru ótrúlega fjölbreytt og hægt að haga veiðinni nákvæmlega eftir sínu eigin höfði, hvort sem þig langar að veiða í litlum teknískum ám, eða stærri fljótum. Á meðal þeirra svæða sem eru í boði eru Sava, Savinja, Sora, Sava Bohinjka, Sava Dolinjka, Krka og Unica, ásamt gríðarlega mörgum hliðarám.

Gistimöguleikar

Ekki er um eiginlegt veiðihús að ræða en gistimöguleikarnir eru því sem næst endalausir. Allt frá 3* “Bead & Breakfast” upp í 5* lúxus hótel. Ef þú ætlar að veiða meira en 3 daga er mælt með að skipta ferðinni í tvo hluta og gista hálfa ferðina í nágrenni Bled vatnsins og fara svo hinumegin við Alpana og gista í Soca dalnum. Með þessu móti er hægt að komast yfir stórt veiðisvæði.

Hvernig kemst ég þangað?

Góður alþjóðaflugvöllur er í Ljubljana, höfuðborg Slóveníu. Þaðan er síðan um tveggja tíma akstur í Soca dalinn, en þar og í kring, eru helstu veiðisvæðin í Slóveníu.

Veiðitímabilið

Tímabilið í Slóveníu er svo gott sem allt árið um kring. Veiði á urriða og grayling nær frá mars og út nóvember. Þegar því líkur tekur við laxveiðitímabilið, sem hefst í nóvember og lýkur í febrúar. Það er nánast sama á hvaða tíma árs þú kemur, veiðin getur alltaf verið góð.