Golden Dorado River Cruiser – Argentína

Hvar

Golden Dorado River Cruiser er skip sem ferðast um ána Paraná í Argentínu. Það er óhætt að segja að þú hefur aldrei upplifað neitt þessu líkt!

Veiðin

Það er ótal kostir sem fylgja því að vera um borð í Golden Dorado River Cruiser. Stærsti kosturinn er sennilega sá að þú getur verið þar sem veiðin er. Það er engin ákveðin áætlun sem er fylgt á meðan þú ert á skipinu. Skipið fer með þig þangað sem besta mögulega veiðin er veiðir nýja veiðistaði á hverjum degi. Golden Dorado er gríðarlega skemmtilegur fiskur á stöng, kraftmikill og stór. Að auki veiðum við Pacu, Pira Pita, Tararira, Surubi, Chafalote og fleiri tegundir ferskvatnsfiska sem eiga það sameiginlegt að vera virkilega skemmtilegir viðureignar.

Veiðihúsið

Ekki hús, heldur skip! Skipið er tveggja véla fljótabátur sem er útbúinn öllum helstu þægindum. Það eru fjögur tveggjamanna herbergi um borð, hvert og eitt með sér baðherbergi.

Kokkurinn sér um að matreiða glæsilegar máltíðir paraðar með frábærum argentínskum vínum sem eru sérvalin af eiganda skipsins.

Hvernig kemst ég þangað?

Flogið er til Buenos Aires í Argentínu. Þar tekur starfsmaður á móti þér og sér til þess að þú komist um borð í skipið. Áætlað er að ferðalagið frá Buenos Aires taki um 2.5 – 3.5 klukkutíma.

Hvaða skjöl þarf ég að hafa meðferðis?

Það þarf ekki sérstaka vegabréfsáritun til að komast inn í Argentínu sem ferðamaður. Þú þarft að hafa gilt vegabréf meðferðis og fylla út svokallað “Arrival Card”. Þetta skjal þarftu að geyma vel því þú þarft að nota það til að komast frá Argentínu. Það er þó sjaldan mikið mál ef skjalið týnist.

Veiðitímabilið

Allt árið.

Búnaður og leiðsögumenn

Hægt er að leigja veiðibúnað á staðnum ef þú kýst að koma ekki með þinn eigin. Mikilvægt er að láta vita af því fyrirfram. Veiðin fer fram á bátum sem sigla með “Móðurskipinu”. Á hverjum bát er einn leiðsögumaður sem sér til þess að þú ert alltaf í færi við fisk. Jafnan eru tveir veiðimenn um hvern leiðsögumann.