Fjölskylduvæn veiði á hálendinu

Sporðöldulón myndaðist í nóvember 2013 þegar stífla var reist neðst í farvegi Köldukvíslar, ofan við ármót Tungnaár. Vatn Köldukvíslar og affallsvatn Hrauneyjastöðvar myndar lónið ásamt nokkrum lækjum. Stærð Sporðöldulóns er áætluð um 7 ferkílómetrar. Það er mikill fiskur í lóninu bæði, urriði og bleikja, sem kemur upphaflega úr Tungnaá og Köldukvísl. Lónið er nokkuð tært og hentar vel til fluguveiða. Veiði í lóninu hefur verið stunduð síðastliðin tvö ár og hefur gengið vel. Vænn fiskur hefur veiðst eða allt að sex pund.

Leyfilegt agn í vatninu er fluga, maðkur og spúnn. Daglegur veiðitími er frjáls en þó ekki lengur en 12 klukkustundir á dag. Stranglega bannað er að veiða í vatnaskilum Köldukvíslar og einnig af stíflunni sjáfri.

KAUPA VEIÐILEYFI
Fjarlægð frá Reykjavík: 150 km
Veiðitímabil: Meðan fært er að veiðisvæðinu
Meðalstærð: Bleikja 1 kg, urriði 1 kg
Fjöldi stanga: 20
Veiðibúnaður: Einhenda #4-6 eða kaststöng 5-25 gr
Bestu flugurnar: Straumflugur, spúnn og beita
Aðgengi: 4x4
Húsnæði: Ýmsir möguleikar

Myndir frá Sporðöldulóni

Staðsetning