Úlfljótsvatn – Efri-Brú

Úlfljótsvatn – Efri-Brú

Efri-Brú er sennilega allra besta veiðisvæðið í Úlfljótsvatni. Svæðið er stórt og fjölbreytilegt og leyfðar eru fimm stangir. Svæðið er í suðausturhluta vatnsins og nær frá gamla skúrnum við Kallhól og niður að girðingu á Kvíanesi (sjá kort). Töluverður straumur er í rennunni á milli Flateyjar og Kvíaness sem geymir oft boltableikjur og einnig mjög væna urriða. Gott er að nota stóran tökuvara og mjög langan taum og andstreymisveiða rennuna með þungum púpum. Fyrir daga virkjana var þar foss með meters fallhæð. Talið er að þar hafi verið hrygningarstaður urriðans að hausti. Bleikjuveiðin getur orðið ævintýralega góð á sumrin á svæðinu og meðalvigtin í hærri kantinum.
Síðustu ár hefur svæðið verið í leigu einkaaðila og ekki aðgengilegt almennningi. Nú verður veiðisvæðið loks aðgengilegt veiðimönnum aftur. Öllum urriða skal sleppt og allri bleikju 45 cm og stærri skal skal sleppt. Þá er kvóti á bleikjunni uppá tíu stykki á stöng. Björgunarvesti eru á svæðinu og viljum við hvetja menn til að nota þau skilyrðislaust.

Veiðireglur

Veiðifélagar veiða frítt á Efri-Brú
Stangarfjöldi er takmarkaður við 5 stangir og þurfa Veiðifélagar að bóka stangardag í vefsöluni hér að neðan.
Aðeins er hægt að bóka 2 daga fram í tíman.
Aðeins má veiða á flugu
10 bleikju kvóti á dag
Öllum urriða skal sleppt sem og bleikju yfir 45cm