Tungufljót Í Skaftártungu - Fish Partner Veiðfélag - Sjóbirtingsveiði

Tungufljót Í Skaftártungu

Fjarlægð frá Reykjavík:

232 km

Veiðitímabil:

1. apríl - 20. október

Meðalstærð:

8 pund

Fjöldi stanga:

4

Leyfilegt agn:

Fluga

Veiðibúnaður:

Einhenda/tvíhenda #6-8

Bestu flugurnar:

Straumflugur

Húsnæði:

Veiðihúsið Tungufljóti

Aðgengi:

4x4

Tungufljót í Skaftártungum, Vestur-Skaftafellssýslu. Upptök Tungufljóts eru á Skaftártunguafrétti og dragast til þess margir lækir á leið til ósa í Kúðafljóti. Umhverfið er stórbrotið; hraun, sandar og er fljótið allvíða í þröngum farvegi með grónum bökkum. Mjög margir góðir veiðistaðir eru í Tungufljóti. Aðal fisktegundin er vænn sjóbirtingur og veiðast reglulega fiskar yfir 20 pund. Einnig veiðist þar lax, bleikja og staðbundinn urriði. Í Tungufljóti er gott veiðihús og veitt á 4 stangir á dag. Aðeins er veitt á flugu í Tungfljóti og öllum fiski skal sleppt.

Veiðihúsin

Veiðihúsin standa í hlíð í landi Hemru með stórkostlegu útsýni yfir meirihluta veiðisvæðisins.  Í stærra húsinu eru tvö tveggja manna herbergi , svefnloft, rúmgóð stofa, eldhús og salerni og sturta. Í minna húsinu eru tvö tveggja manna herbergi, salerni og sturta. Veiðimenn mega koma og vera farnir klukkutíma fyrir veiði nema eftir 20. september þá mega menn koma þegar veiði byrjar.  Gasgrill er til staðar. Vinsamlegast gangið vel um veiðihúsið. Skiljið við veiðihúsið í jafngóðu standi og þið viljið taka við því. Við hvetjum veiðimenn til þess að láta vita ef eitthvað vantar eða er ábótavant við veiðihúsið. Þrif og uppabúin rúm eru innifalin í öllum leyfum en biðjum við veiðimenn að taka með sér sorp.

Veiðireglur

Í ánni eru leyfðar fjórar stangir.  Um hverja stöng mega vera tveir veiðimenn og skulu þeir þá vera saman á veiðistað.  Ef veiðimenn eru staðnir að því að nota fleiri stangir en leyfilegt er, mega þeir búast við því að vera vísað úr ánni. Leyfilegt agn er fluga og aðeins er veitt á flugustangir en kaststangir eru ekki heimilar.  Öllum fiski skal sleppt að lokum viðureignar. Særður fiskur skal njóta vafans.

Veiðitími

Á upphafsdegi hefst veiðin klukkan 15:00 og er leyfilegt að veiða í sex klukkustundir þann dag. Á heilum dögum er veiðitíminn frjáls en eigi lengur en 12 klukkustundir á dag.  Á lokadegi skal hús vera tómt eigi síðar en 13:00 og einnig skal veiði vera hætt á sama tíma.

Miðsumarsveiði og staðbundinn fiskur

Það er mikill misskilningur að Tungufljót sé eingöngu sjóbirtingsveiðiá. Á neðra veiðisvæðinu frá Bjarnafossi og niður úr er bæði mjög væn staðbundin bleikja, urriði og svo má finna sjóbirtings geldfisk í ármótum allt sumarið. Einnig er laxinn farinn að sýna sig í júlí. Ofan við Bjarnafoss tekur við gríðarlega fallegt svæði sem leynir á sér. Þar er að finna staðbundna urriða sem gaman er að eiga við í stórbrotnu umhverfi. Áin rennur í gljúfri upp að Titjufossi og er það talsverð ganga en vel þess virði því náttúran þar er einstök. Hægt er að aka að gljúfrinu á tveimur stöðum þar sem menn leggja og ganga. Ofan við Titjufoss er einnig urriði upp að fossi ofan við Ljótstaði. Urriðinn er mest um tvö til þrjú pund en allt að sex punda fiskar leynast þar innan um.

Til athugunar

  • Skráið afla í veiðibókina áður en haldið er heim.
  • Akið ekki utan vega og lokið hliðum.
  • Veiðifélagið ber ekki ábyrgð vegna tjóns sem búsmali veldur á ökutækjum.
  • Meðferð skotvopna er bönnuð við ána og einnig er óheimilt að tjalda við ána án leyfis landeigenda.
  • Vinsamlegast gangið vel um.
  • Innifallið í öllum leyfum eru uppábúin rúm, handklæði og þrif.
  • Vinsamlegast látið vita hversu margir verða í húsi.

Veiðifélagar Fish Partner

  • safna 3% Veiðikrónum við kaup á leyfi í Tungufljóti í vefsölu.

Veiðileyfi

Öll verð miðast við eina stöng

Put Address Here

Vinsæl veiðisvæði

Sennilega stórbrotnasta svæði Þingvallavatns – Kárastaðir eru við norðanvert Þingvallavatn skammt frá ós Öxará
Villingavatn, eða Tjörnin, lætur ekki mikið yfir sér en geymir þó mikið af urriða sem margir hverjir eru mjög stórir.
Sennilega stórbrotnasta svæði Þingvallavatns – Kárastaðir eru við norðanvert Þingvallavatn skammt frá ós Öxará
Villingavatn, eða Tjörnin, lætur ekki mikið yfir sér en geymir þó mikið af urriða sem margir hverjir eru mjög stórir.
Grenilækur rennur í Landbroti vestan við Kirkjubæjarklaustur. Lækurinn er eitt af bestu sjóbirtingsveiðisvæðum heims og hefur notið gríðarlegra vinsælda um árabil.