Jónskvísl og Sýrlækur

Fjarlægð frá Reykjavík:

285km

Veiðitímabil:

20. júní - 20. október

Meðalstærð:

Sjóbirtingur 5 pund, bleikja 3 pund

Fjöldi stanga:

3

Leyfilegt agn:

Fluga, Spún

Veiðibúnaður:

Einhenda #5-7

Bestu flugurnar:

Púpur og straumflugur

Húsnæði:

Veiðihúsið Fossum

Aðgengi:

Fólksbílafært að flestum veiðistöðum

Veiðikort

Jónskvísl og Sýrlækur eru í Landbroti rétt vestan Kirkjubæjarklausturs. Árnar eru hliðarár Grenlækjar og eiga það sameiginlegt með Grenlæk að vera með snemmgengin sjóbirtingsstofn. Sjóbirtingurinn mætir um miðjan júlí en einnig veiðist þar væn bleikja eða allt að sex pundum og staðbundinn urriði. Sjóbirtingurinn er að öllu jafna mjög vænn og á vonandi eftir að stækka í komandi framtíð ef að veiða sleppa mun færast í aukana sem gert er ráð fyrir. Vatnsföllin eru gríðarlega falleg og leyna virkilega á sér. Frábært fluguveiðivatn þar sem að andstreymisveiði með púpu getur verið mjög áhrifarík veiðiaðferð. Mjög gott aðgengi er að ánum og henta vel byrjendum sem lengra komnum.

Veiðihús

Veiðihúsið er staðsett í landi Fossa og er staðsetningin einstök þar sem húsið er í hraunjaðri alveg við árbakkann. Húsið er ekki stórt en mjög góð aðstaða er þar fyrir gesti og sennilega er húsið eitt af mest kósí veiðihúsum landsins. Á neðri hæð er baðherbergi með sturtu, opið eldhús og stofa þar sem gengið er út á verönd. Svefnsófi er í stofunni og inn af henni er lítið herbergi með tvíbreiðu rúmi. Á efri hæð eru svo þrjú einbreið rúm. Gasgrill er á staðnum. Innifalið í öllum leyfum er uppábúið og þrif.

Veiðistaðalýsing

Svæðið nær frá rafstöðvarlóni ofan við Meðalfellsveg og niður að ármótum Sýrlækjar. Það er belgur sem merkir neðri veiðimörkin. Fjölmargir veiðistaðir eru í báðum ánum og má segja að þetta sé nánast einn samliggjandi veiðistaður þó að nokkrir staðir gefi betur en aðrir. Þar má nefna Eyvindarhyl, Flúðir og Foss neðan við veiðihús. Sýrlækur geymir stóra fiska og skal ekki vanmeta þennan læk vegna smæðar. Menn þurfa að fara sér hægt og mælt er með andstreymisveiði með púpum.

Veiðitilhögun

  • Fjöldi stanga: 3
  • Skipting daga: Tveggja daga holl (hálfur, heill og hálfur dagur)
  • Veiðitími: 20. júní – 20. okt.
  • Agn: Fluga og spónn
  • Kvóti: Einn fiskur á stöng pr. dag, 60 cm og undir. Allri bleikju skal sleppt.

Veiðifélagar Fish Partner

  • fá 5% endurgreiðslu í formi veiðikróna við kaup á leyfi í Jónskvísl í vefsölu
  • fá 5% afslátt af veiðileyfum í Jónskvísl í vefsölu

Veiðileyfi

Öll verð miðast við eina stöng

Put Address Here

Vinsæl veiðisvæði

Villingavatnsárós er eitt magnaðasta urriðasvæði Þingvallavatns. Eins og nafnið gefur til kynna á Villingavatnsá ós á svæðinu og urriðinn leitar í ósinn til að melta fæðu
Heimsklassa sjóbirtings veiði í Skaftártungum. Frábært 4 stanga sjóbirtings á með fínu veiðihúsi. Tungufljót er þekkt fyrir stóra sjóbirtinga.
Villingavatnsárós er eitt magnaðasta urriðasvæði Þingvallavatns. Eins og nafnið gefur til kynna á Villingavatnsá ós á svæðinu og urriðinn leitar í ósinn til að melta fæðu
Heimsklassa sjóbirtings veiði í Skaftártungum. Frábært 4 stanga sjóbirtings á með fínu veiðihúsi. Tungufljót er þekkt fyrir stóra sjóbirtinga.
Grenilækur rennur í Landbroti vestan við Kirkjubæjarklaustur. Lækurinn er eitt af bestu sjóbirtingsveiðisvæðum heims og hefur notið gríðarlegra vinsælda um árabil.