Hæðargarðsvatn

Hæðargarðsvatn er fremur lítið vatn en það leynir á sér. Vatnið er ekki nema rétt 0.16 ferkílómetrar að flatarmáli en þar er þó hægt að gera mjög góða veiði og leynist í því nokkuð af vænum urriða allt að 4 pundum. Það er ekkert sjáanlegt rennsli í vatnið en neðanjarðarlækir sem renna í það undan hrauninu sem umlykur vatni sjá til þess að það endurnýjar sig. Sögur segja að Sjóbirtingar veiðast í Hæðagarðsvatni en talið er að seiðin komist í vatnið með þessum neðanjarðarlækjum. Einning má finna bleikju í vatninu.

Besta veiðin í Hæðargarðsvatni er gjarnan á vorin og fram í júní þó gera megi góða veiði allt tímabilið. Þegar líður á sumarið getur veiði verið erfið vegna gróðurs.

Leiðarlýsing

Fjarlægð frá Reykjavik er um 260 km. Ekinn er Þjóðvegur 1 þar til komið er að Hæðargarði 1. Þar er beygt til vinstri og ekið niður að vatninu.

Veiðitími

1. apríl – 30. September. Veiða má í vatninu allan sólarhringinn.

Reglur

Hundar: Já
Notkun báta: Kajak og bellý bátar leyfðir en ekki stærri bátar
Netaveiði: Nei
Tjalda: Nei, en áhugasömum er bent á tjaldstæðið á Kirkjubæjarklaustri
ATH: Öllum fiski yfir 50cm skal sleppt

Veiðifélagar veiða frítt í Hæðagarðsvatni