Öryggið í fyrirrúmi.
Nú þegar veiðin er að komast á fullt skrið í Þingvallavatni og Úlfljótsvatni viljum við benda veiðimönnum sem veiða svæði Fish Partner á gular kistur sem eru á öllum helstu svæðum okkar. Kisturnar geyma björgunarvesti sem við viljum hvetja alla veiðimenn okkar til að nota. Vestin eru nett og fyrirferðalítil og ættu því ekki að flækjast fyrir mönnum á meðan á veiðum stendur.
Einnig eru björgunarhringir með kastlínu á nokkrum af okkar svæðum. Við viljum hvetja veiðimenn til að kynna sér hvernig þessi búnaður er notaður. Það má skoða leiðbeiningar á hvíta hylkinu sem er inni í bjarghringjunum.
Förum varlega og skemmtum okkur vel við veiðar.
Gleðilegt sumar!