Tungufljót í Skaftártungum, Vestur-Skaftafellssýslu. Upptök Tungufljóts eru á Saftártunguafrétti og dragast til þess margir lækir á leið til ósa í Kúðafljóti. Umhverfið er Stórbrotið, hraun, sandar og er fljótið allvíða í þröngum farvegi með grónum bökkum. Mjög margir góðir veiðistaðir eru í Tungufljóti. Aðal fisktegundin er vænn sjóbirtingur og veiðast reglulega fiskar yfir 20 pund. Einnig veiðist þar lax, bleikja og staðbundinn urriði. Í Tungufljóti er gott veiðihús og veitt á 4 stangir á dag. Aðeins er veitt á flugu í Tungfljóti og öllum fiski skal sleppt.
VEIÐIHÚSIN
Veiðihúsin standa í hlíð í landi Hemru með stórkostlegu útsýni yfir meirihluta veiðisvæðisins. Í stærra húsinu eru 2 tveggja manna herbergi , svefnloft, rúmgóð stofa og eldhús, salerni og sturta. Í minna húsinu eru 2 tveggja manna herbergi, salerni og sturta. Veiðimenn mega koma og vera farnir klukkutíma fyrir veiði nema eftir 20. september þá mega menn koma þegar veiði byrjar. Gasgrill er til staðar. Vinsamlegast gangið vel um veiðihúsið og þrífið veiðihúsið vel fyrir brottför. Skiljið við veiðihúsið í jafngóðu standi og þið viljið taka við því. Við hvetjum veiðimenn um að láta vita ef eitthvað vantar eða er ábótavant við veiðihúsið.
VEIÐIREGLUR
Í ánni eru leyfðar 4 stangir. Um hverja stöng mega vera 2 veiðimenn og skulu þeir þá vera saman á veiðistað. Ef veiðimenn eru staðnir að því að nota fleiri stangir en leyfilegt er, mega þeir búast við því að vera vísað úr ánni.
Leyfilegt agn er fluga og aðeins er veitt á flugustangir en kaststangir eru ekki heimilar. Öllum fiski skal sleppt að lokum viðureignar. Særður fiskur skal njóta vafans.
VEIÐITÍMI
Á byrjunardegi hefst veiðin klukkan 15:00 og er leyfilegt að veiða í sex klukkustundir þann dag. Á heilum dögum er veiðitíminn frjáls en eigi lengur en 12 klukkustundir á dag. Á lokadegi skal hús vera tómt eigi síðar en 13:00 og einnig skal veiði vera hætt á sama tíma.
MIÐSUMARSVEIÐI OG STAÐBUNDINN FISKUR
Það er mikill misskilningur á að Tungufljót sé eingöngu sjóbirtingsveiðiá.
Á neðra veiðisvæðinu frá Bjarnafossi og niðrúr er bæði mjög væn staðbundin bleikja, urriði og svo má finna sjóbirtings geldfisk í ármótum allt sumarið. Einnig er laxinn farinn að sína sig í júlí. Ofan við Bjarnafoss tekur við gríðarlega fallegt svæði sem leynir á sér. Það er að finna staðbundna urriða sem gaman er að eiga við í stórbrotnu umhverfi. Áin rennur í gljúfri upp að Titjufossi og er það talsvert labb en vel þess virði því náttúran er einstök. Hægt er að aka að gljúfrinu á tveimur stöðum þar sem menn leggja og labba. Ofan við Titjufoss er einnig urriði upp að fossi ofan við Ljótstaði. Urriðin er mest um tvö til þrjú pund en allt að sex punda fiskar leynast þar innan um.
TIL ATHUGUNAR
- Skráið afla í veiðibókina áður en haldið er heim.
- Akið ekki utan vega og lokið hliðum.
- Veiðifélagið ber ekki ábyrgð v/tjóns sem búsmali veldur á ökutækjum.
- Meðferð skotvopna er bönnuð við ána og einnig er óheimilt að tjalda við ána án leyfis landeigenda.
- Vinsamlegast gangið vel um
- Innifallið í öllum leyfum er uppábúin rúm, handklæði og þrif
- Vinsamlegast látið vita hversu margir verða í húsi
