Mögnuð kvöld við Svörtukletta

Svörtuklettar eru í landi Heiðarbæjar 2 í norðvesturhluta Þingvallavatns. Móakotsá á ós á svæðinu og leitar urriðinn oft í ósinn til að melta og í fæðuleit. Svæðið er þekkt fyrir stóran urriða en þeir ferðast í torfum með ströndinni. Veiðin getur tekið miklum breytingum á svipstundu þegar torfa kemur inn á svæðið. Eina stundina er ekkert að gerast en þá næstu er mok. Út af Svörtuklettum er hægt að vaða langt út á hraunhellu. Yst á hellunni er kantur sem urriðinn syndir gjarnan meðfram. Í víkinni er sand- og malarbotn og hægt er að vaða um hana alla í leit af fiski. Besti tími dags er á kvöldin en þá er oft hægt að sjá urriðann stökkva og dansa á yfirborðinu þegar torfurnar koma að landi.

Veitt er á fjórar stangir á svæðinu og aðeins er veitt á flugu. Öllum urriða skal sleppt.

KAUPA VEIÐILEYFI
Fjarlægð frá Reykjavík: 37 km
Veiðitímabil: 20. apríl - 15. júní
Meðalstærð: Urriði 4 kg
Fjöldi stanga: 4
Veiðibúnaður: Einhenda #6-8
Bestu flugurnar: Straumflugur og púpur
Aðgengi: Fólksbílafært
Húsnæði: Ýmsir möguleikar

Myndir frá Svörtuklettum

Staðsetning