Fornfrægt stórlaxasvæði

Laxá í Aðaldal, eða Drottningin eins og hún er gjarnan kölluð, er öllum íslenskum veiðimönnum kunn. Áin er þekkt fyrir að geyma stóra laxa og ógrynni af vænum urriða. Aðaldalur er í Suður-Þingeyjarsýslu, 450 kílómetra frá Reykjavík.

Árbótarsvæðið er fornfrægt stórlaxasvæði. Svæðið hefur í áranna rás oft tilheyrt Laxamýrarveiðum eða Nesveiðum og því hefur nákvæm skráning á veiddum laxi ekki alltaf skilað sér. Svæðið er nú selt sér og er þetta einstakt tækifæri til að veiða Laxá í Aðaldal á eigin vegum.

Á svæðinu er ellefu merktir veiðistaðir sem margir hverjir eru mjög góðir laxastaðir enda er svæðið gengt hinu þekkta Nes svæði. Af helstu veiðistöðum má nefna Lönguflúð, Höskuldarvík, Bótastreng og Tjarnarhólmaflúð. Svæðið er 3,7 kílómetrar og leyfðar eru þrjár stangir snemmsumars en tvær frá 20. júní. Góð urriðaveiði er frá fyrsta degi en laxavon er frá lok júní en vex þegar líður á ágúst.

Hægt er að gista í veiðihúsinu við Vörðuholt sem stendur austan við ána með stórkostlegt útsýni yfir ána, Aðaldalinn og Skjálfanda. Í Vörðuholti er allt til alls, þrjú svefnherbergi, eldhús, stofa, pallur og heitur pottur.

Tvær stangir eru á svæðinu frá 20. júní, en þrjár fyrir það, og eru þær seldar saman. Aðeins er veitt á flugu og skal öllum laxi sleppt en taka má þrjá urriða undir 40 cm.

KAUPA VEIÐILEYFI
Fjarlægð frá Reykjavík: 460 km
Veiðitímabil: 1. júlí - 20. september
Meðalstærð: Urriði 2 kg, lax 5 kg
Fjöldi stanga: 2
Veiðibúnaður: Einhenda eða tvíhenda #7-9
Bestu flugurnar: Laxaflugur og túpur
Aðgengi: 4x4
Húsnæði: Vörðuholt (fylgir ekki með)

Myndir frá Árbót

Staðsetning