Ástríða fyrir veiði

Fish Partner hefur stofnað Íslensku fluguveiðiakademíuna. Akademían er fræðslumiðstöð sem hefur það að markmiði að miðla þekkingu og reynslu til áhugamanna um veiði. Markmiðin eru einnig að auka nýliðun í fluguveiði með áherslu á börn og ungmenni og hópa sem eru í minnihluta í sportinu. Stofnun Akademíunnar er svar eigenda Fish Partner við lítilli nýliðun á undanförnum árum og takmörkuðu framboði af veiðitengdri fræðslu hér á landi.

Kjarnastarfsemi Akademíunnar er námskeiðahald og fyrirlestrar. Nú þegar liggur fyrir þétt dagskrá af námskeiðum og fyrirlestrum í vetur og eru þónokkur til viðbótar í pípunum.

Líkt og starfsemi Fish Partner þá er Íslenska fluguveiðiakademían rekin áfram af ómældri ástríðu stofnenda hennar fyrir veiði.

Íslenska fluguveiðiakademían tekur öllum ábendingum og fyrirspurnum fagnandi á info@fishpartner.com. Þá eru þeir sem vilja halda fyrirlestra eða námskeið hvattir til að senda okkur hugmyndir sínar.