Á opnu húsi fá veiðimenn tækifæri til að koma saman og æfa fluguköstin, hittast og spjalla. Húsið er opið frá klukkan 19:00-21:00. Ef mæting er góð eru kastarar beðnir um sýna hvor öðrum skilning og skiptast á ef þess þarf. Hámarksfjöldi á hverju kvöldi eru tólf manns.

Byrjendanámskeið er undirstöðunámskeið fyrir byrjendur sem og lengra komna. Farið er yfir helstu grunnatriði í flugukasti og nemendum kennt að kasta rétt. Aðferðin sem kennd er mun gefa nemendum mikla færni á skömmum tíma. Námskeiðið hentar einnig veiðimönnum sem vilja bæta sig í grunn þekkingu.

Á námskeiðinu ætlar hinn kunni fluguhnýtari Sigurberg Guðbrandsson að miðla reynslu sinni. Námskeiðið er tvö kvöld, 2,5 klukkustundir í senn. Þar mun Sigurberg kenna helstu handtökin við hnýtingar og nemendur munu læra að hnýta ákveðnar flugutegundir.

Íslenska fluguveiðiakademían kynnir með stolti ljósmyndanámskeið með engum öðrum en Matt Harris en óhætt er að fullyrða að hann sé fremsti veiðiljósmyndari heims. Námskeið sem enginn áhugamaður um veiði, útivist eða ljósmyndun getur látið fram hjá sér fara.

Á námskeiðinu verða stigin fyrstu skrefin í stangarsmíði og viðgerðum, farið verður yfir sögu iðnarinnar og þá tækni sem stangarsmiður þarf að búa yfir. Grunnhandtök verða kennd og gert ráð fyrir að nemendur geti haldið áfram eftir námskeiðið að smíða sínar stangir. Þá munu nemendur læra á stangir og hvers konar stangir henta hverjum tilgangi. 

Íslenska fluguveiðiakademían kynnir námskeið í hnýtingu þurrflugna. Kennararnir Miroslaw Senderski og Michał Zapał sem koma hingað til lands sérstaklega til að halda námskeiðið eru listamenn þegar kemur að þurrfluguhnýtingum.

Flestir veiðimenn þekkja stórlaxahvíslarann Nils Folmer Jorgensen en það eru fáir sem veiða jafn marga stórlaxa á hverju ári og hann. Nils hefur veitt 29 laxa á Íslandi yfir 100 cm og heilan helling af löxum á bilinu 90-99 cm.